Thursday, July 19, 2007

دليل المغتربين لفهم لهجات السكان المحليين :الجزء السابع ...لو سمحت ممكن "طحينة


عندنا في مصر عادي ممكن تدخل أي مطعم وتنده علي الجرسون وتقوله لو سمحت ممكن طحينه وفورا الجرسون

هيلبي طلبك ويحضر لك الطحينه وفرخه جنبها وشوية سلطة مع شوية خضروات وحاجة ساقعه جنبهم

وهتاكل وهتتبسط ,طيب يا عم ايه لازمة الكلام ده دلوقتي وخصوصا فيه ناس لسه جايه من الشغل

وعصافير بطنها بتصوص وممكن يدخلوا في خناقة مع زوجاتهم اللي مكسلين ومش مجهزين حاجه مهو طول الليل

فرجة علي المسلسلات والافلام والصبح نوم ولو مش عاجبه ده يروح عند امه هههه,يا عم بطل

خفة دم وادخل في الموضوع ,الموضوع بقي هيحكيه الاستاذ الكبير محمود عوض في كتابه بالعربي الجريح

اللي قال فيه وده نص كلامه "في مره كنا مجموعة أصدقاء عرب في مطعم في تونس .في البداية طلب

أحدنا من الجرسون طحينه .يعني سلاطة طحينه .

رمقه الجرسون شذرا ولم يرد .بعد قليل ناداه اخونا الكويتي من جديد وقال له معاتبا :يا اخي

طلبت منك سابقا طحينه ولم تأتي بها الان هات لنا طحينه ...وصمون.

عند هذا الحدقذف الجرسون بالفوطه من يده وصاح غاضبا بمجموع كلمات لا نفهم مفرداتهاولكننا

اجتهدنا لكي نفهمها بمضمونها .والمضمون هو أن الرجل يزمجر ويغضب لكرامته الجريحه والمهانه.وبعد

وساطة مصريه بين أخواننا في الكويت واخواننا في تونس طلعت العروبه بريئه .الحكايه ان "طحينة "في تونس لفظ من اختصاص شرطة الاداب وصمون لفظ من اختصاص سجون الاداب"

انتهي كلام الكاتب الكبير محمود عوض

يلا خلي بالكم من كلة طحينه لو حد راح تونس لان مش كل مره الجرسون هيقذف بالفوطه لا ده ممكن

يتهور ويستعمل يديه هههه ,يلا سلام

36 comments:

The Manager said...

هههههههههههههههه
بقى طحينة طلع معناها كدة

بجد ربنا يكون فى عون اى واحد يروح بلد عربي جديد لأول مرة

ربنا يستر عليه ومش يعمل مشاكل كبير بسبب اللهجات

وتيجي بس على قد الطحينة :D

بوست جميل احييك عليه يا اخى

همسات دافئه said...

ههههه
كل ده فى الطحينه ده سلطتى المفضله بس خلاص مش هاكلها بره بلدى
تحفه ياواحد جميله موت
تحياتى

ولــــــــــو said...
This comment has been removed by the author.
ولــــــــــو said...

هو مافيش تفاهم بينا وبين اخواتنا التوانسه حتى ف الطحينه
ودايما كلامنا العادي يبقى خارج عندهم
طب نعمل ايه
بلاش مصريين يروحوا تونس
بس المشكله لو هما هنا
تصور اعزم واحد من تونس واقوله اجيبلك طحينه
ههههههههه
مشكله

Anonymous said...

في العراق كلمة بسطة معناها علقة سخنة محترمة.
وفي المغرب كلمة حساس تعني الراجل الامؤاخذة.
و هنروح بعيد لية أخوانا من جنوب مصر بيقولوا على الحلاوة طحينية من غير كلمة حلاوة و أنادي بيقولوها أنادم أو أعايط و بيقولوا سمعت المسلسل بدل شفت المسلسل و ساعات سقولوا حضرت المسلسل

عروس البحر said...

هههههههههههه
هههههههههههه
هههههههههه
موقف مضحك
ههههههههههه
هههههههههههه
هههههههههههه
ههههههههههه



تحياتي

hesterua said...

دايما يقولك ايه

سمعت الماتش فى التيلفزيون

بس برضه

ام الدنيا

mohand said...

السلام عليكم
هو مين اللي وضح طيب علشان اكون في الصورة
وبعدين اختلاف اللهجات في الكلام الدارج
لكن مسمي السجون يبقي طحينه وحاجات من دي
ايه الغرابه دي

عموما اانا مش هاخد باللي
لاني مش ناوي اروح تونس ولا اعدي عليها اصلا بالطائره
ولو شائت الاقدار وروحت غصب عني
هكتب ورقه علريضة واوريها للجرسون مكتوب عليها طحينه يا معلم

اصل كلام في سركم انا مش بحب تونس نهائي قلبا وقالبا
تحياتي

شمعة أمـــــل said...

ههههههههههههه
بجد حلوه اوى الحكايه دى
وموقف محرج لكن يفس من الضحك
دايما كده ممتعنا
وعايزين الحاجات الحلوة دى علطول

rack-yourminds said...

the manager:

لسه اللي جاي احلي ياما هتشوف

يا عم انتي منور ديما هنا

انا لاحظت بوست جديد لك هجيلك النهارده واعلق عندك

تحياتي يا باشا

rack-yourminds said...

شيماء:

شوفي يا شيماء طالما مش هتاكليها بره بلدك

يبقي يلا كل يوم كده كليها 15 او 20 مره عشان حرام تحرمي منها بعد كده

قوليلي بقه ايه اللي تحفه الطحينه ولا البوست هههههههه

rack-yourminds said...

ولو:

يا عم التوانسه احسن ناس والشعوب العربيه ميه ميه بس هو اختلاف العاميه واللهجات ,علي فكره زي منت بتستغرب هما كمان بيستغربوا

فين بوستاتك الجديده

عاوزك قريبا تمتعنا اوكي

rack-yourminds said...

iron cobra

عاوزك بقي تخلي بالك من كلمة طحينه لو رحت تونس

والاهتاخد بسطةههههه

شكرا علي المعلومات دي شرفتنا بجد

rack-yourminds said...

عروس البحر

احنا سعداء ان جعلناكي تضحكي قوي كده

لما هتيجي هنا هتضحكي كتير وهتفسطي كمان ههههههه

بجد شرفتينا يلا منتظرين بوست جديد لكي

rack-yourminds said...

hesterua:

بتتكلم عن لهجة مين

علي العموم شرفتنا وانا هكون عندك قريب

rack-yourminds said...

mohand:

ليه بس يا عم الشعوب العربيه ميه ميه
ويا ريت نحب بعض ,انا مش عاوز تعصبك للكوره يدفعك لهذا الكره

شوف بقي بداية التعليق مش فاهمه

تحياتي ليك

rack-yourminds said...

angel_bero

انتي المفروض بقي نديكي انا وشيماء جائزه ,انتي ضيفتنا الدايمه واللي منورانا دايما ,بس هقول ايه بدل مديكي جائزه عصبتك, لما حدوته وقعتني في المصيده بس متخفيش ,انا هاجي في يوم وخدلك تارك من حدوته

علي فكره 200 جنيه انا مجهزهم ههههه

شرفتينا انجل

Hossam said...

بوست فعلا حلو اوى
اتمنى اكون صديقك تزورى مدونتى الجديده
وتحطى كومينت هناك كمان
حسام
باى باى

مدونة كسبان said...

طاب بنماسبة ان الأهلى هيطحن الترجى النهارده
يبقى واحد طحينة والنبى

كتاباتك بسيطه وجميله

Unknown said...

غريبة فعلا بالرغم من ان كلنا بنتكلم عربى الا ان معنى بعض الكلمات بيختلف من بلد لاخر سبحان الله هو احنا مش قادرين نتفق فى اى شئ خالص

rack-yourminds said...

مدونة كسبان:

هو الاهلي هيلاعب الترجي اليوم ,معلهش اصلي انا مش متابع قوي كوره مع اني لاعب كويس جدا يعني ممكن تقول زي زيدان هههههههه

اه انت بتقولها هنا لانك في مصر لكن تقدر تقولها لو انك في تونس

بجد نورتني دي اول زياره ليك هنا اتمني تتكرر

تحياتي

rack-yourminds said...

ايويه:

اللغه العربيه هي التي بتذوب الاختلاف ده ودي عظمة اللغه العربيه

نورتي المدونه ويا ريت تتكرر كتير وانا رايح مدونتك النهارده او بكره

شرفتينا

rack-yourminds said...

واحد من الناس:

انا شاكر كتير ليك,وشكرا علي تشجيعك لي

شرفتنا بجد ونورت المدونه

عابرة السبيل said...

حلوة المدونة دى ومفيدة وخفيفة
بجد فكرتها حلوة قوى
على الاقل لما اجى اسافر علشان امثل بلدى ...ان شاء الله يعنى هو في حاجة كبيرة على ارادة ربنا ؟...اعرف اتصرف ازاى
انا مش كنت اعرف ان البساط السحرى هيبقى لذيذ كده
سلام عليكم

rack-yourminds said...

3abratalsabeel:

اشكرك كتير علي هذا الكلام الحلو وشكرا علي وجودك هنا

شرفتنا أو شرفتينا

reri said...

هههههههههههه
معقوله الطحينه طلعت تبع الآداب
بس ما عرفتش صحيح الطحينه يعني إيه في تونس بقي؟؟؟
:))

سلاماااااااااااات

rack-yourminds said...
This comment has been removed by the author.
rack-yourminds said...

riri:

كويس جدا اننا اضحكاني ,وهنا هتضحكي دايما

الطحينه مش عارف ايه اللي يقابلها في تونس

بجد نورتينا واشكرك كتير علي زيارتك لينا اتمني تتكرر كتير

مشروع انسان said...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

yasmine Bashaar said...

حصلى موقف شبه ده بس مع واحدة سعودية ... بقولها الجيبه دى محتاجة مكوى ... بصتلى بستغراب ... وانا ماكنتش اعرف معنى الكلمة دى ايه عندهم ... بس قعدت اضحك اوى لما عرفت

وفعلا فى كلام عندنا معناه عادى لكن عند ناس تانية بيبقى معناه مش كويس

حلو اوى البلوج بتاعك

rack-yourminds said...

yasmine bashaar:

شكرا علي تشجيعك لينا لان المدونه دي مش بتعتي انا بس دي بتعتنا انا وشيماء

فعلا فيه كلمات عندنا عادي لكن في دول تانيه معناها مش كويس


تحياتي ليكي وشرفتينا بجد

Hadota ... حدوتة said...

ههههههههههههههههه
حاجة تفطس من الضحك
ايه دا يا اخواتى
لا والله عسل

حلو اوى الموضوع
انااصلا مبحبش الطحينة
خلينا فى المايونيز والكاتشب


خدوا هنا بقى وقولولى ايه حكاية الشركة وراس المال
افهمممممم
فيها لاخفيها


وعنيا حاضر هدور لكم على الاشارات اللى قولتلكم عليها

سلام يا عساسيل

rack-yourminds said...
This comment has been removed by the author.
rack-yourminds said...

hadota:

أتاخرتي ليه غرامه 1000 جنيه ليكي هههههههههههه

خدي بالك كل متدخلي هنا امسكي نفسك لانك هتفطسي من الضحك ههههه

يبقي كده ميتخفش عليكي في تونس طالما مش بتحبي الطحينه

الشركه بقي هي مدونة البساط السحري ولازم نحافظ عليها انا وشيماء ,لا انتي فيها بلاش تخفيها والنبي حرام عليكي هههههه

يلا بقي دوري علي الاشارات بسرعه

حذار حذار تتاخري تاني

تحياتي ليكي حدوته

medo serag said...

السلام عليكم
الغاليه شيماء بجد مواضيعك جميله اوى
بس على فكره الطحينه مع القريدس بتبقى جميله اوى تجنن
تحياتى

medo serag said...
This comment has been removed by the author.