Thursday, January 31, 2008

تاريخ الشاى

الصين هى أول دوله فى العالم عرفت الشاى

وأول انسان شرب الشاى كان سنه 2727 قبل ميلاد المسيح وهو الإمبراطور شن توانج وكان من عاده هذا الإمبراطور أن يغلى الماء قبل شربه وقد حدث وهو يشهد عمليه غلى الماء أن سقطت ورقه جافه من إحدى الأشجار وانزعج الإمبراطور ولكنه لاحظ أن هذه الورقه غيرت لون الماء فوضع أوراقا أخرى وأعجبه اللون والطعم فكان الإمبراطور أول شريب للشاى فى العالم
ويقال ان جنكيز خان قد نقل هذه الطريقه من أسيا الى اوروبا وبدأ ينتقل الى كل المناطق حتى أن امبراطور اليابان عندما عرف الشاى جعله خاصا بالأسره المالكه وذلك عام 185 وبدأيعمل الحفلات لشرب الشاى
وهى تقام الى الآن ومن أشهر ما تراه فى اليابان
وأوروبا لم تعرف الشاى الا فى القرن 16 وحرمته الكنيسه وهاجمه الأدباء والشعراء وأعلنوا الحرب على شرب الشاى لأنه يفسد الأخلاق ويضعف القوى العامله وأديب انجلترا الشهير د/جونسون اعترف صراحة أنه يشرب الشاى وأن البراد الذى يضع فيه الشاى لا يبرد أبدا واعتبره المجتمع الإنجليزى صريحا أكثر من اللازم بل قيل انه لا يستحى من ادمان الشاى وتناوله علنا أمام النساء

Friday, September 21, 2007

اسطوره هنديه

قالت الأسطوره
جلس الآله بعد ان خلق الخليقه وبدأ يفكر فى حياه المخلوقات وكم يكون عمر كل واحد منهم وأخيرا قرر ان يجعل حياه كل واحد 30 عام واستدعاهم جميعا وبدأ بالحمار وقال له جعلت عمرك 30 عاما فما رأيك؟
فقال الحمار يالهى ماذا فعلت ان هذه الحياه طويله جدا سأقطعها فى العمل والكفاح اقصف عمرى ارجوك

فجعل عمر الحمار 18 عام


فاستدعى الكلب وأخبره انه سيكون عمرك 30 عاما وهنا نبح الكلب وثار وقال هذا العمر الطويل لا اتحمله سأقضيه كله فى النباح ومطارده الناس أرجوك ياالهى اجعله قصيرا
فجعل عمر الحمار 12 عام

وجاء دور القرد وعندما علم ان عمره 30 عاما قال ياالهى كيف أقضى كل هذا العمر أتسلق من شجره الى اخرى وأتعلق من ذيلى ارجوك ياالهى اجعله قصيرا
فجل عمره 10 سنوات

وجاء دور الإنسان وعندما عرف ان عمره 30 عاما بكى وقال ياالهى ان هذه حياه قصيره جدا اننى لم ابدأ حياتى الا أخيرا لم افرغ من زراعه الأشجار وبناء بيتى واريد ان استريح ثم ما مصير زوجتى واولادى عندما يكبرون ولا يجدوا اباهم حولهم أرجوك ياالهى اعطنى عمرا اطول كى اربى اولادى واطمئن على مستقبلهم
فقال سأعطيك ثلاثين عاما اخرى اخذها من عمر الحمار والكلب فهل يكفيك فقال لا يالهى ان اولادى سيكون لهم اولاد وانا اريد ان اراهم واعيش معهم واحتضنهم فقال له انت كائن طماع لا يكفيك شئ سأعطيك 20 عاما اخرى آخذهم من حياه القرد فشكره الإنشان واختفى فى الغاباب ومن يومها وعمر الإنسان 80 عاما

الثلاثون الأولى هو عمره هو ويكون راضى وقانع
ثم يجئ 12 عام من عمر الحمار يعمل ويكد ليل نهار من اجل اسرته
ثم 18 عام من عمر الكلب وفيها يتحول الى رجل يرقص ويلعب مع احفاده فلا يربطه بالناس الا شئ قليل
ثم تجئ السنوات الى اخذها من القرد يكون فيها عجوز نادم على ايام النط من شجره الى اخرى ولا يجد من هذه الأشجار الا عكازا فى يده

فكل انسان هو خليط من الحمار والكلب والقرد
شيماء

Friday, August 31, 2007

لهجات الشعوب






عكروت




أيه رد فعلك لوقلت لواحدأنت رجل عكروت ,اكيد طبعا هيختلف رد الفعل من شخص لاخر ....بمعني لو واحد عصبي يبقي قول علي نفسك يا رحمن يا رحيم ...,طب لو واحد هادي الطبع ؟اكيد هينظر اليك شزراوهيبرطم بكلمات تعجز عن فهمها, طب لو كنت راجل فاهم معني كلمة عكروت اكيد طبعا هتبسطه هذه الكلمه ,ودلوقتي اكيد عاوزين تعرفوا معني كلمة عكروت في اللهجه المصريه :كلمة عكروت تقال شعبيا عن شخص مدردح يلعب بالبيضه والحجر ....ولكن يا عزيزي حذار أن تذهب للبنان وتقول لواحد فيهم انت رجل عكروت, في تلك اللحظه يبقي ذنبك علي جنبك وتستاهل اللي يجرالك هههه,لانه هيعتبرك شتمته بشده !!خلي بالكم بقي


*********

الله يعطيك العافيه



ايه بقي حكاية الله يعطيك العافيه ...؟بص يا سيدي لو أنت في سوريا وحصل موقف معاك مع واحد سوري واستدعي هذا الموقف أن السوري يقولك الله يعطيك العافيه ...أكيد طبعا هتشكره علي هذه المجامله ...يا عم ادخل في الوضوع ,اوكي هدخل اديني ....نفترض بقي لو سوري قالها لواحد من تونس ؟طبعا التونسي هيغضب غضب شديد ومتعرقش بقي هتكون ايه عاقبة السوري ...أيه الحكايه بقي ؟الحكايه هي أن الله يعطيك العافيه :معناها ان السوري بيتمني للتونسي الناااار !!يا حفيييظ


*******


الخبز




الخبز عندنا بنقول عليه عيش ,طب لو كنت في اليمن هو أسمه خبز برده وفي الكويت :مرقاق وفي سوريا مرقوق وفي العراق هو :صمون


يلا كده كفايه بقي والحق الغداء قبل ميخلص المرقوق !!أقصد العيييش هههه


ملحوظه:ما كتبته الان وما كتبته سابقا عن لهجات الشعوب مصدري فيه :مقال للاستاذ الكبير محمود عوض في كتابه
"بالعربي الجريح"

Monday, August 20, 2007

غرائب العادات فى العالم



السلام عليكم ورحمة الله وبركاته
احم .. احم
1 .. 2 .. 3
سامعنى كده؟؟ المايك شغال؟؟
اقدم نفسى بقى .. معاكم حدوتة
ان .. ان .. ااااااااااااان (دى موسيقى تصويرية) هههههه
مالكو استغربتوا كده؟؟
اى والله حدوتة بتاعة حدوتة سكوب
يسعدنى ويشرفنى انى انضميت مع واحد وشيماء للكتابة معاهم فى المدونة الجميلة دى
وقررت انى اكون عين على الاحداث
واجيبلكم حاجات غريبة وعجيبة وادينا بنتعرف ورانا ايه ... على راى الاغنية
الاخبار اللى بجيبهاللكم دى بلف .. وادور.. واطير.. واجيبهالكم من كل انجاء العالم
اهو حتى لسه جاية من المطاردلوقتى ومعايا كم حاجة كده على الماشى
ههههههههه
خدوا عندكوا بقى

***

كل ما زاد فيرانك كل مازاد جمالك
العنوان غريب صح؟؟ طب اسمعوا .. قصدى اقروا يعنى

- في جزيرة هاو الموجودة في الباسفيك يقوم العريس بتقديم المهر لعروسه الجميله وهذا المهر عبارة عن عدد كبير من الفئران، واذا كانت العروس غير جميله فإن عدد الفئران يكون قليلاً، وكلما ازدادت جمالاً ازداد عدد فئرانها .

***
على شط البركة
دايما نسمع على شط البحر بيتولد احلى قصة حب .. انما البركة دى اول مرة اشوفها

- في منطقة بابو في غينيا، عندما تبلغ الفتاه سن الزواج تدخل إلى بحيرة او بركة تسبح فيهاوالناس يراقبونها، فيقدم لها الشبان كل واحدٍ قطعه من الثياب، والقطعة التي تأخذها وتلبسها فإنها تكون قد اعجبت بالشاب الذي اخذت منه القطعة فيتزوجها فوراً .


***
الحول اساس الجمال

دايما نسمع عن تقاليع غريبة وموضات عجيبة بتبتدعها البنات عشان تزود جمالها اللى تلبس عدسات واللى تصبغ شعرها واللى تعمل عملية تجميل انما الناس دى عندها تصور تانى خااالص

- في قبيلة الهوتنتوت المتواجده في افريقيا، تعمل فتياتها على حل الشعر ووضعه في منتصف الوجه على الأنف،، تريد كل منهم ان تصير حولاء ،،, اعتقاداً منهن ان الحول هو اساس الجمال
فكرونى بالمسرحية لما كانت لينا تقول مسعود .. جدو حولان... هههههههههه


***

لكل طريقته فى التعبير عن الحزن
- في جزيرة مدغشقر تقوم المرأة في وقت الحداد بنفش شعرها بشكلٍ مخيف تعبيراً عن الحزن والألم بفقدان حبيب .


***

فروض الطاعة والولاء
اما الهنود دول عليهم تقاليد فى الجواز ؟؟ .. انما عجب
- في جنوب الهند تعيش قبيله تودا، وفي هذه القبيلة تعمل العروس في حفل زواجها على ان تقدّم لزوجها اسمى أعمال الطاعة والولاء والوفاء .فتزحف إليه على ركبتيها ويديها إلى ان تصل راكعة إليه ، والناس ينظرون إليها ، ثم يأتي العريس ليبارك عروسه وذلك بوضع قدمه على راسها


***
اصيلة للنهاية
انااسمع الست الاصيلة تقف جنب جوزها فى شدته ومرضه ويبقى كتر خيرها انما الوفاء كمان فى بعد وفاته .. دا بقى كتير
- في جزيرة أندمان الامريكيه ، تظل النساء الارامل في حمل جماجم ازواجهن على ظهورهّن حتى يتزوّجن


***
واخيرا
في الهند الصينية، تعتبر المرأة كامله اذا انجبت عشرة اولاد على الاقل
يعنى على كده البلد دى تعدادها كام؟؟

Wednesday, August 15, 2007

طقوس الزواج 1

أكيد من الأشياء المختلفه بين الشعوب والتى سوف يظنها الكثيرغريبه هى عادات وطقوس الزواج عند بعض الشعوب فمثلاً
قديما فى الصين
كانوا يعقدوا خطبة بدون ان يرى العروسان بعضهما البعض فاذا تم الاتفاق يقوم اهل العروس بتزيينها بأحسن زينة ثم يضعونها في محطة خاصة ويغلق عليها باب ثم يحملونها الى خارج البلدة ومعها بعض اهلها وهناك يقابلون الزوج فيعطونه المفتاح ليفتح باب المحطة ويرى العروس فاذا اعجبته البسها خاتمه والا ردها الى قومها.
عادى جدا بضاعه ومعجبتش الزبون
العروس في "بورما" تطرح اثناء الاحتفال ارضا ويقوم رجل عجوز بثقب اذنيها فتتألم وتتوجع وتطلق الصرخات المدوية ولكن ليس هناك من يسمعها لأن الفرقة الموسيقية تبدأ بالعزف صاخبة تغطي على صرخات العروس المسكينة.
الصومال
المحارب الصومالي يضرب عروسه اثناء احتفالات الزواج ليجعلها تسلم منذ البداية بأنه سيكون السيد المطاع في البيت
ولكن هيهات ان تسوى فى قلبها شىء
الحمد لله على نعمه الإسلام وكفى بها نعمه
اسمحولى اقدم لواحد شكرى لأن أصلن فكره البوست ده بتاعته وهو ان شاء الله هايكتب قريب.

Tuesday, July 31, 2007

مواعيد الأكل


أصبح دلوقتى الشغل بياخد أكتر من تلات اربع اليوم وطبعا مش هاينفع الوقت دا كله نقضيه من غير ما نشحن الطاقه عن طريق الأكل

طيب ناكل امته وازاى وفين ومع مين وهل ينفع الأكل مع الشغل ولا مينفعش؟

فلنرى


فى انجلترا:ميحللهمش الأكل الا بالشوكه والسكينه بيستمتعه جدا بمناقشات العمل مع الأكل

فى اليابان:الشغل شغل والأكل أكل ووقت الأكل ده فرصه للتعارف والراحه مش بيجيبوا سيره الشغل نهائى

فى ألمانيا:يخلصوا حوارات الشغل الأول وبعدين يفضوا للأكل

فى ايطاليا:ياكلوا الأول وبعدين يفضوا لأى مناقشات تانيه

فى أمريكا:الفسات فود عندهم بياكلوه بسرعه وباديهم الاتنين مع عدم وجود اى محاوله لإيجاد اى حوار



شيماء

Wednesday, July 25, 2007

دليل المغتربين لفهم لهجات السكان المحلييين... الجزء الثامن





اليوم يا شباب.. الكلام هيكون عن الجمبري والطماطم أو القوطه:

أولا الجمبري....أولا ايه رايكم فيه ,انا عن نفسي مش بحبه ,جائز لاني مجربتش اكله وهجرب ليه...!! ده الكيلو سعره نااااار ههههه, ويمكن لما اكله هحبه وأمووت فيه ,بس بجد السبب اللي بيجعلني مش بحبه هو شكل الجمبري نفسه لكن

طعمه الله اعلم بيه لاني زي مقلتلكم مكلتوش قبل كده ,وطبعا بما ان فيه ناس بتحب تأكله يبقي تخلي بالها ان الجمبري في دول عربيه مسموش جمبري ,يعني مثلا في الخليج أسمه روبيان,

في سوريا أسمه "قريدس" في تونس أسمه "تريليه"
--------------------------------------------------------------------------

ندخل علي الطماطم...ومن هنا يا شباب حذار أن حد فيكم وهو في الشام ويطلب من البائع في السوق ويقله عاووز قوطه في تلك اللحظه هيبقي ذنبك علي جنبك وتستاهل اللي هيحصل فيك


ههههههههه,لان كلمة قوطه في اللهجه الشاميه كلمة أباحيه جدا جدا,أما الطماطم في اللهجه الشاميه فاسمها بندوره......يلا سلام