Thursday, July 5, 2007

دليل المغتربين لفهم لهجات السكان المحليين :الجزء الخامس


هذا الجزء كان مخصص لشيماء بيد ان شيماءيبدو لي مشغوله الايام دي ,من ثم فلا مناص من قيامي انا بكتابته معذرة شيماء.
النهارده هتكلم علي البطيخ وانا مكره مع اني بحبه جدا ,طيب ايه الحكايه بقي ,الحكايه أن بيتنا يوميا لا يخلو من البطيخ اهو بقي عيله في حالة عشق بينها وبين البطيخ علي الاقل بطيختين كل يوم لدرجة أصبحت العلاقه بيني وبين البطيخ سيئه جدا ومش طايق سيرته مع اني كنت بحبه ,بس تصدقوا مش بقدر استغني عنه فيه جاذبيه بنهار أمامه وخصوصا لما تكون متلجه كده
وطعمها يهبل ههههه ,بفضل أقاوم وأقاوم وفي الاخر بستسلم
طيب أيه حكاية البطيخ النهارده؟ الحكايه ياشباب هي ان البطيخ في كثير من الدول العربيه لا يسمي بطيخ , واحد كده دمه خفيف هيقولي امال ايه بيسموه باذنجان هههه, هقوله أصبر علي يا سيدي وانت تشوف
البطيخ في السعوديه بيسمي حبحب ,أما اذا كنت في تونس فسمه دلاع, التونسيه مدلعينه قوي ههه ,مش زيينا أسمه بطيخ حاجه كده تفزع,بس أهو أحسن من السوريين اللي بيسموه جبس هههههه
معلهش مقدرتش اخترلكم كام بطيخه أضعها علي البوست أصلي الجهاز عندي مش عارف اصابه ايه جائز صعبان عليه حالي الان فأعلن تضامنه معي ورفض وضع اي صوره للبطيخ,أتمني من شيماء تخترلي كام بطيخه كده وتحطهم فوق البوست بس يا ريت كده وهي بتشتريهم تتاكد من كونهم كويسين , يلا سلام

21 comments:

rack-yourminds said...

شيماء:
ياريت تنسقي سطور البوست كويس لانه الجهاز عندي بجد مش عارف ماله ,وكمان تضعي كم بطيخه زي مقلت في البوست ,انتي اتاخرتي ليه في كتابة بوستات جديده ؟

ولــــــــــو said...

انا بيني وبين البطيخ زي اللي بين الجربان والصابونه
بس البوست جميل والله انا طول عمري اقول ان اللبنانيين والمغاربه اصل الدلع ف الوطن العربي
ناس عندها دلاع واحنا عندنا بطيخ
بس هو صحيح فيه بطيخ مربع ومن غير بزر
سؤال محيرني اصلي قريت الكلام ده وشفت صوره كمان

Anonymous said...

ولو:
تصدق ان عندنا اليوةم تلات بطيخات هههه,اه طبعا دلاع احسن بكتير من بطييييخه هههه,بطيخ مربع مممم اعتقد في اليابان صح ,بجد شرفتني يا ريت تتكررر

mohand said...

السلام عليكم
احلي حاجه في البطيخ انه احمر
بما اني اهلاوي يعني
لكن لما بيكون اقرع بكرهه قوووووووووووووووووووي .
تحياتي

شمعة أمـــــل said...

انا بايد مهند فى رايه فى ان من اهم مميزات البطيخ انه احمر
وانا عن نفسى بحبه جدااااااااااااا
وعجبانى الاسماء بتاعته
بس حكايه جبس دى صعبه شويه
انا لو حد قالى جبس دى قبل ما اكله مكنتش كلت
;)

rack-yourminds said...

مهند:
حمار البطيخ لا غني عنه ,هو حد يقدر ياكل بطيخه قرعه يا عم ,مبروك ليك ولاهلي بس خد بالك الاهلي كان مهدد برده في الهزيمه ,علي فكره انا بشجع الكره الحلوه والاهلي فريق كبير بس مش هغفر له هزيمته من الفريق الاسب\اني ا للي مش فاكر اسمه متعرفش كانت حالتي ايه لما اتهزم
تحياتي ليك

rack-yourminds said...

angle _bero
الحمار ده شئ اساسي ,بقلك ايه وانتي بتاكلي بطيخ انسي جبس دي افتكري دلاع هههه,يعني من النهارده بطيخنا اسمه دلاع
تحياتي ليكي نورتي المدونه

غمض عينيك said...

صح فعلا بس تعرف التوانسه بسموا الشمام...بطيخ


تحياتي لك
محمد سمير

rack-yourminds said...

محمد سمير:
ليه بس سموا الشمام بطيخ مكان سموه اسم حلو زي دلاع هههه
تحياتي ليك اشكرك

heba said...

البطيخ له شعبية جامدة في مصر خاصة او ع الأقل اللي اعرفه

دايماً حاشرينه في كل حاجة يعني مثلاً سمعت جماعة مسميين اللي مش بيفهموا في حاجة معينة "حزب البطيخ" ولو حاجة تخينة يقولوا عليها بطيخة

بس احلى حاجة فيه انه احمر وساقع

rack-yourminds said...

shams:
اكيد البطيخ لذيذ وخصوصا كده لما يكون متلج وتكون قرعه هههه اقصد حمره
اشكرك شمس علي زيارتك لنا ,بس انا مشفتكيش في مدونه واحد ليييه

Hadota ... حدوتة said...

السلام عليكم
ازيك يا واحد انت وشيماء
جميل جدا موضوع البوست دا
انا بمووووت فى البطيخ بموووت فيه بمعنى الكلمة
عمرى ما ازهق منه لو ككلته سبع تلاف مرة فى اليوم
ومهما اختلفت وتنوعت اسمؤه بموووت فيه برده

تحيااااتى ليك وللبطيخة الامورة الجذابة جدا اللى انت حاططها فى الصورة دى
جريت ريقى ياشيخ
الساعة دلوقتى واحدة
اجيب بطيخ انا منين دلوقتى؟؟؟


تحياتى

rack-yourminds said...
This comment has been removed by the author.
rack-yourminds said...

hadota:
االحمد لله حدوته ,بالنسبه لشيماء بجد مش عارف اتأخرتي ليه في كتابة البوستات حتي مش بترد علي التعليقات من كام يوم ,انا بخمن كده تكووون تاهت هههههههههه ,بجد مش عارف هي اتأخرت ليه
سبع تلاف مره في اليوم حرام عليكي انتي نفسك مسدوده قوي كده ليه ,ده اقل واحد فينا باكل مليون مره في اليوم وانتي تقولي سبع تلاف شد حيلك عن كده شويه هههه
يعني لو جبتلك شوية جبس تأكليهم أقصد شويه بطييييخ هههههه

بقلك ايه انتي شكلك كده طمعانه فيها صح طيب انا هرميها علي جهازك اوكي وعيشي معها ههههه
اشكرك حدوته

To a friend said...

يا سلاااام بتتكلم عن اهم فاكهة في الصيف بعد المانجة طبعا

البطيخ يختلف عن انواع الفاكهة كلها انه رياضيا متماشي تماما مع الاهلاوية و مع مشجعي الاتحاد .. ايام ما كان فيه مشجعي اتحاد

جربته عصير ؟

rack-yourminds said...

fad-fadatnour
تعرفي مره رحت عند صديق عزيز جدا لي وبعدين لقيته جايب حاجه حمراء كده في الكوبايه ,انا طبعا فرحت جدا لانه كان الجو حر وريقي ناشف والتقطت الكوبايه منه دون ان اعرف فيها ايه ,اكتشفت انه عصير بطيخ ,قلتله يا اخي اخرتها تشربني عصير بطيخ ,تقريبا هو كان قاصد هذا الموقف انا مبحبش البطيخ يكون عصير,شرفتيني بجد يا ريت تتكرر

reri said...

ههههههههههههه
مش بقولك حاجه كده من معالم الصيف
يعني الصيف من غير بطيخ ما يبقلش صيف
خصوصا لما بتكون متلجه وحلوه بيكون لذيذ بشكل
بس إنت ما إستعانتش بالصوره زي ما قلت ليه
عموما رغم إن الواحد بيمل البطيخ
بس في الصيف ده مش بيقدر يبعد عنه
يعني لا بحبك ولا بقدر علي بعدك

سلامي ليك وللحبحب
أصلي عارفاه كويس الإسم ده من السعوديه

rack-yourminds said...

reri:
الجهاز كان فيه مشكله عندي عشان كده لم اضع الصوره وكمان انتظرت ردك علي طلبي بس اتاخرتي ,بس بطيختي انا احسن من بتعتك صح هههه افهم من كده بتاكلي 10 بطيخات في اليوم هههه
بجد اشكرك كتير وسلامي علي الجبس ههههه

rack-yourminds said...

شيماء:
فينك , غايبه ليه؟ يبدو لي عندك ظروووف ,علي العموم اتمني تكوني بخير

hana said...

البطيخ دة لذيذ بشكل بجد
انا حاسة انه الدنيا كلها تحبة
هما ليه بيدلعوة كدة
كمان السعودية حبحب دة مش حب
انما جبس دى اللى مش ماشية معاه خالص

rack-yourminds said...

hana:
البطيخ اكيد لذيذ بس جبس هي اللي محدش قبلها خالص هههه
تحياتي ليكي شرفتيني بجد