أولا هابتدى بشرح أسباب فتحى للمدونه ده وهاتكلم عن الشخصيه الى مقضتش معاها أكتر من ساعتين بس شدتنى أوى وأثرت فىّ جدا
فنان يابانى بس جامد أوى وخبره عاليه جدا كان بيحكلنا شويه عن نفسه وأعماله وعرضلنا بعض الأعمال الى عملها فى قصر الإمبراطور (طبعا مش أى حد هايدخل القصر) المهم الراجل ده متخصص فى الدهب يرسم ويطلى اللوحات والتماثيل بيه
أنا قاعدت ساعتين مش فاهمه ايه لزمه الكلام الى عمال يقوله ده ابتدى كلامه بان الدهب ده منذ العصور الأولى اتنقلهم من الصين وحكى عن العلاقه الى بين الدولتين ومجالات التأثير والتأثر وكلام كتير كده فى التاريخ والثقافه
بعد ما خلص لقيته بصلنا أوى واعترفلنا بحاجه خطيره جدا قالنا
فنان يابانى بس جامد أوى وخبره عاليه جدا كان بيحكلنا شويه عن نفسه وأعماله وعرضلنا بعض الأعمال الى عملها فى قصر الإمبراطور (طبعا مش أى حد هايدخل القصر) المهم الراجل ده متخصص فى الدهب يرسم ويطلى اللوحات والتماثيل بيه
أنا قاعدت ساعتين مش فاهمه ايه لزمه الكلام الى عمال يقوله ده ابتدى كلامه بان الدهب ده منذ العصور الأولى اتنقلهم من الصين وحكى عن العلاقه الى بين الدولتين ومجالات التأثير والتأثر وكلام كتير كده فى التاريخ والثقافه
بعد ما خلص لقيته بصلنا أوى واعترفلنا بحاجه خطيره جدا قالنا
أنا عشت عمرى كله عارف ان الدهب اتنقلنا من الصين لحد ما من شهر كده كنت باقرأ كتاب واكتشفت ان الصينيين جابه الدهب ده من دوله فى الشرق اسمها مصر اتصلت بالسفير المصرى عندنا وقلتله انى عايز أزور البلد ده
ياجماعه أنا جاى مخصوص عشان أقولكواان بلدكم أصل الدهب والدليل على كده التماثيل الى مطليه بالدهب ذى توت عنخ آمون وده كان أقدم استخدام للدهب بالطريقه ده بلدكم أصل الفن الى أنا عشت عمرى كله بادرسه
جاى من اليابان مخصوص عشان يبلغكم يامصريين الرساله ده هو هايستفيد ايه لما احنا نعرف؟ ليه يعترف بخطأه من غير اتهام؟ مين ممكن يروح أى دوله ويشيد بعظمتها وحضارتها ويعترفلها ويعتزرلها عن سوء فهمه الفتره الى فاتت ده؟ ومين المسؤل عن سوء الفهم ده؟
قال كمان
عشان تتعرف على شعب لازم تتعايش معاه وتفهمه تعرف أحاسيسه وهو بيتكلم ويشاور لازم تتعاملوا مع الآخر بصرف النظر عن دينه وعرقه ومعتقداته هو انسان قبل كل شئ ذيك ذيه أنا لما جيت مصر كنت عارف معنى كلمه ان شاء الله بس لما سمعتها منكم حسيت بالمعنى مش بس فهمته وبقيت أقولها ذيكم
يامصريين بلدكم أصل الدهب وأصل حاجات تانيه كتير أفضل من الدهب بس احنا منعرفهاش مش الأفضل اننا نعرفها عشان نفهمهم ونشرحلهم من غير ما نسيبهم يعرفوا بالصدفه اذا عرفوا أصلن؟
ملحوظه رفيعه
فى اليابان جمله مشهوره جدا اسمهاArabu no IBM
I Insha2alla
B Bokra
M Ma3lesh
لما المصرى يقولك ان شاء الله يبقى معناه انه مش هايعمل حاجه بيزحلقك يعنى
ولما يقول بكره هاترحله بكره هايقولك ما أنا قلت بكره وهاتفضل كده وبكره عمره ما هاييجى
أما معلش فده أصلها لا عليك شىء المفروض يقلها الشخص المتضرر مش المضر تلاقى فى مصر الراجل يدوس على رجلك فى المترو بدل ما يعتزرلك يقولك لا عليك شىء عليك ايه أساسا اذا كان هوه الى غلطان فيك
قبل ما نشتم الراجل الى وصلهم المعلومات ده ياريت نشوف هى فينا ولا لاء؟
ومن هنا سوف ينطلق بساطى
شيماء
17 comments:
للاسف فينا الكثير من العيوب والسلبيات التي أصبحت جزء من ثقافتنا. النفاق والكذب والتهوين من قدراتنا والتنكر لحضارتنا والافتنان بما هو غربي. بطبيعة الحال هذه من تجليات الانحطاط في كافة الميادين عادات وثقافة الشعوب ما هي الا انعكاس لقوة وضعف المجتمع الذي يعيشون فيه بوست رائع أحييكي عليه
الف مليون مبروك عالمدونة الجميلة دي
عجبنى قوي عنوانها واهدافها
وشكلها هتبقى مدونة ممتازة ومحترفة لإن موضوعك الأول مميز وفيه ترتيب افكار واضح
احييكى مرة تانية واهنيكى هلى مجهودك وعلى انتاجك الغزير والمميز
اشكرك على السؤال عنى
واعذري لى تأخري فى الرد ولكنها ظروف قهرية
خالص مودتى
السلام عليكم
مبروك المدونة
جميلة قوى فكرتها وغرضها وانتى اصلا مدونة واحدة متكفيش الكلام إللى عندك , جت فى معادها وربنا يقدرنا على المتابعة .
ومصر فعلا اصل حاجات جميلة قوى , لكن مش باينة دلوقتى , والدكتور على جمعة مفتى الديار المصرية دايما يقول ان احنا إتقان العمل والصفات الجميلة دى كلها موجودة فى الجينات بتاعتنا جوانا , بمعنى انها جوانا لكن مش بقت تظهر فينا كلنا ممكن فين وفين لما تلاقى واحد متقن عمله مثلا .
عادات كتير كويسة ضاعت واكتسبنا غيرها عكسها , دور البلوج الجديد بتاعك عظيم قوى وربنا يعينك عليه إن شاء الله ونفسى اساعد ... هل اقدر ؟
هل انا فهمت اصلا ولا سرحت بعيد ؟
انا تاااااااانى
المرادى بحييكى على مدونتك الجديدة
ودايما كدا تقدميلنا الحاجات الجميلة والمختلقة زى البوست دا
وبالنسبة للمصريين بقى
فربنا يصبرنا عليهم:)))))
تحياتى ليكى وربنا يكرمك يارب ويوفقك
مبروك عالبلوج
لذيذ اوى موضوع ibm
الناس دى كأنهم عايشين معانا :D
تحياتى
ازيك
مبروك علي الجديد وانشاء الله يكون دايما في جديد
تحياتي
واحد
وثقافة الشعوب ما هي الا انعكاس لقوة وضعف المجتمع الذي يعيشون فيه
تحفه الجمله ده كده انت وصلت للى أنا عايزه أعمله تحياتى الشديده وأرحو وجودك الدائم:))
*****************
أسامه
ياأحلى كلام لوجيك فى الدنيا مرسى أوى على كلامك وتشجيعك أنا عذراك والله وربنا يعدى الظروف على خير ادعى بس
انت كتير وربنا معاك
*****************
سليم
كل كلمه قلتها عجبتنى وبالذات عادات كتير كويسه ضاعت واكتسبنا غيرها عكسها
أنا طبعا نفسى حد يساعدنى عشان هاكون محتاجه معلومات
هو أنا قصدى انى هاكتب هنا معلومات فى ثقافات الشعوب المختلفه عشان تبقى فرصه للتعرف على الآخر ونحاول نصلح نفسنا عن طريق المقارنات بيننا وبينهم مرسى على تعاونك بجد محتاجاه:)
*********************
صرصارتى
آه يا أختى يصبرنا عليهم بس أنا ان شاء الله هاسبتلك ان رغم اعتراضنا عليهم بنعمل زيهم زى ما سليم قال جينات وراثيه:)))
**********************
بريك
انتى هاتقوليلى دول عارفين عننا حاجات أكتر منى ومنك مرسى على وجودك وفى الانتظار دائما:))
**********************
سندباد
الله يبارك فيك ان شاء الله هاحاول:)
ايوة ايوة انا كدة فهمت
كدة المعنى اشمل واحلى
وكل شعب فيه خصائص وصفات معينة فى التعامل معاه , منها الجيد ومنها غيرذلك , ومعرتهم اكيد إن شاء الله هتكون مفيدة لينا
انا جة فى بالى موقف حصل معايا من واحد المانى فى مرة من المرات اللى كنت بشتغل فيها, اقولهولك بعدين علشان مش اكون دخلت فى التفاصيل من دلوقتى
انا معاكى إن شاء الله ربنا يدينا طولة العمر , وتحت امرك , والصورة إللى تحبى اساعدك بيها مش تترددى انك تطلبى منى إن شاء الله
وعلى بركة الله فى انتظار اول موضوع حقيقى
على اساس ان اللى فات دة مكانش حقيقى يعنى :D
اقصد (معرفتهم)
مش معرتهم !!
اسف
أولا مبروك يا مشمش على المدونة الجديدة
ثانيا ... طبيعى ان الراجل يقولنا معلومات ما كناش نعرفها و لإنه يابانى يعنى عارف ازاى يحترم نفسه قبل ما يحترم الآخرين قرر انه يعترف بالكلام ده لكوا
أما بخصوص حكاية ibm أنا أول مرة أعرف انها وصلتت لليابان .. احنا كنا بنقولها و احنا فى المدرسة و هى جملة صحيحة 100% ... ليه؟! لإن المصريين خلاص اتعودوا على التواكل و التكاسل و خلافه
السلام عليكم
الف الف مبروك علي المدونة الجديده يا شيمووووووووو
وعقبال ما اشوفك اكبر صوحفيه كده في البلد دي والبلاد المجاوره والمجرات
بالنسبه للي قاله الصيني ده انا عارفه
علشان دارسه بس
وانا بحاول في مدونة مصريات
اقول زيك كده
اعرفوا انتو مين
قبل ما تحاولو تتغيروا
http://egyptologst.blogspot.com/
شوفي البوست الجديد
وقوليلي رايك
وعلك تستفيدي
تحياتي يا ماي دير سيس
اخوكي
مهند المصري
السلام عليكم ورحمة الله وبركاته
بصى الشعب اليابانى والصينى واسيا عموما
النمور عندهم احترام للثقافة عالى اوى
وللاسرة وسيبك من الراجل ركزى مع المراة
عندها كمية قيم ينهار ابيض يا جدعان
المهم الف مبروك على المدونة الجميلة
The maneger
مرسى يا سليم بجد ربنا يخليك لما أعوز حاجه هاقولك مش بتكسف:)
********************
بيقولو سايكو
يامرحبا نورتينى ياقمر عندك حق فى كل كلمه بس المفروض نبدأنتغير
أسعدتينى حقا يا غاليتى:)
********************
مهند
أنا قلت يابانى مش صينى أحنا شغالين فى الأصلى ياباشا ملناش فى التقليد
انت مدونتك هدفها رائع بس انت بتتكلم عننا أنا هاتكلم عن الآخر يعنى هانكمل بعض ان شاء الله
:))
*************************
الغزالى
عندك حق هو ده الى عايزه أقوله فى المدونه ده مرسى لزيارتك وأرجو التواصل:))
انتي جبتي من الأخر
أهم حاجة اننا إنسان واحد
...
أما عن الكلمات ..فتلك حقيقة واضحة مثل الشمس
مبروك المدونه أولا
ثانيا الشعب الياباني ده شعب محترم جدا رغم أن الغالبيه العظمي مالوش دين سماوي ، اما حكايه الدهب اللي من بلدنا مصر المحروسه طبعا ده حقيقي ولو زرت المتحف المصري ستتعجب فعلا من صناعتهم للمشغولات الذهبيه ، الحقيقه أنني أصبت بالذهول لأن المشغولات كانت رائعه وكأنها من العصر الحديث ، أقراط وغوايش وعقود وأحزمه وغيرها من الحلي ، حتي هناك شباشب وأحذيه من الذهب مبهره جدا ، ولا تنس التوابيت والأقنعه وغيرها ، لكن بلدنا مسروقه منذ زمن بعيد
لكن والله لسه فيها خير ومحتاجه اللي يشيل من عليها الغبار لأن معدنها أصيل تمام زي الدهب
human:
شرفتنا بجد اتمني تتكرر كتير
مكسوفه:
بلدنا سوف تنهض بايدي ابنائها الشرفاء أشكرك علي الزياره وكل سنه وانت طيبه بمناسبة مرور عام علي التدوين ,وعقبال مليون سنه
Post a Comment