عكروت
أيه رد فعلك لوقلت لواحدأنت رجل عكروت ,اكيد طبعا هيختلف رد الفعل من شخص لاخر ....بمعني لو واحد عصبي يبقي قول علي نفسك يا رحمن يا رحيم ...,طب لو واحد هادي الطبع ؟اكيد هينظر اليك شزراوهيبرطم بكلمات تعجز عن فهمها, طب لو كنت راجل فاهم معني كلمة عكروت اكيد طبعا هتبسطه هذه الكلمه ,ودلوقتي اكيد عاوزين تعرفوا معني كلمة عكروت في اللهجه المصريه :كلمة عكروت تقال شعبيا عن شخص مدردح يلعب بالبيضه والحجر ....ولكن يا عزيزي حذار أن تذهب للبنان وتقول لواحد فيهم انت رجل عكروت, في تلك اللحظه يبقي ذنبك علي جنبك وتستاهل اللي يجرالك هههه,لانه هيعتبرك شتمته بشده !!خلي بالكم بقي
*********
الله يعطيك العافيه
ايه بقي حكاية الله يعطيك العافيه ...؟بص يا سيدي لو أنت في سوريا وحصل موقف معاك مع واحد سوري واستدعي هذا الموقف أن السوري يقولك الله يعطيك العافيه ...أكيد طبعا هتشكره علي هذه المجامله ...يا عم ادخل في الوضوع ,اوكي هدخل اديني ....نفترض بقي لو سوري قالها لواحد من تونس ؟طبعا التونسي هيغضب غضب شديد ومتعرقش بقي هتكون ايه عاقبة السوري ...أيه الحكايه بقي ؟الحكايه هي أن الله يعطيك العافيه :معناها ان السوري بيتمني للتونسي الناااار !!يا حفيييظ
*******
الخبز
الخبز عندنا بنقول عليه عيش ,طب لو كنت في اليمن هو أسمه خبز برده وفي الكويت :مرقاق وفي سوريا مرقوق وفي العراق هو :صمون
يلا كده كفايه بقي والحق الغداء قبل ميخلص المرقوق !!أقصد العيييش هههه
ملحوظه:ما كتبته الان وما كتبته سابقا عن لهجات الشعوب مصدري فيه :مقال للاستاذ الكبير محمود عوض في كتابه
"بالعربي الجريح"
21 comments:
حمد الله على السلامه
ايه ياعم الكلام اللذيذ ده
انا اعرف عكروت دي من زمان بس ماعرفش انها ممكن تبقى شتيمه
احسن حاجه زي ماقلتلك الواحد لو سافر يتلم ومايتكلمش غير بالفصحى
اهو اضمن واكرم بالرغم من صعوبتها احيانا
تحياتي
انا طبعا اول تعليق انشاء الله
yes i made it
الله يعطيك العافيه على هالحلاوة
محمد سمير
ايه يا عم العكروت انت الكلام الجامد ده
لا بجد
الله يعطيك العافيه
بجد شكرا على بوستاتكم الجميلة دى
كل سنة وكلكم طيبين
ماذال سئوالى الحائر
لية الاختلاف فى معانى الكلمات دة من بلد لبلد
كلامك حلو اوى اوى
ههههههههههه
الحمد لله ياعم انا الى يقولى يا سكيننه ادب صباعى فعينه
سورى بقى شامى ماليش دعوى حتى لو كان ابو مازن بتاع الشاورمه
الى كنت فاكره رئيس سوريا زمان
تحياتى
أكيد طبعا كل بلد و ليها لهجتها و فى كلام عندنا طمان الناس بيعتبروه شتيمة فى تونس و العكس كده يعنى
شكرا ع المعلومات دى
السلام عليكم ورحمة الله وبركاته
جزاكى الله كل خير على هذه الافاده اهى تنفع برده
ماحدش عالم الزمن مخبيله ايه يمكن واحد سورى ولا تونسى نبقى وقتها على درايه
دومتى بخير أختى الفاضله
والسلام عليكم ورحمة الله وبركاته
البوست جميل أوي على فكرة وفيه حاجات لذيذةز.بس إيه اللي جاب العافية للنار يعني؟!!
شكراً..
محمد المصري
مسلي جدا موضوع لغات الشعوب على الرغم من أن كلنا عرب بس فيه كلمات كتتتير متغيره معنيها وكمان في كلام مشمفهوم واعتقد ده بسبب الاستعمار زمان وتأثيره اللي سابه على كل شعب. انا مثلا كنت بعمل دراسة في دول شمال افريقيا وكان لازم اكلم بعض الاخوه التونسه وكنت بحاول اخد الأميل بتاعهم عشان الشغل بعد كده المهم كانت مأسى اني افرق بين الأو والأي ودول طبعا الـ I والـ E والكارثه هي كلمت "أروباسك" ضيعت عليها حوالي 50 جنيه مكالمات دولي عشان افهمها. لو حد عرف معناها ممكن يقولي.
العافيه هاتبقى النار ازاى يعنى
اذا كنا بنقول اللهم عافنا من عذاب النار
دا يبقى تبع انى معجم ده؟ايه الناس الغريبه ده
بوستك جميل كالعاده
تحياتى:)
أسفه على التقصير
جميلة موت فكرة مدونتك وجديدة عليا
حقيقي اول زيارة ليا زى اول زيارة ليكي عندى لكنها مش هاتكون الأخيرة لأنها جميلة اوى وكمان مفيدة وبتزود المعلومات
وعلى فكرة أن اعرف اكتر من لهجة عربية
وكلامك دا عدى عليا
وممكن أضيفلك حاجة كمان
انك لو روحتى لبنان وخرجتى الصبح لمطعم وقالك تحبى تتروقي مش تستغربي
عشان هو يقصد انك تحبى تفطرى
ولو قولتيها في مصر هاتاخدى على دماغك لأن معناها عايز تضرب
..........................
ريال لف
بوست جميل ودمه خفيف
وفيه كمان معلومات
ربنا يفتح عليك ويزيدك علم
سلامى وتحياتى
واحد
البوست حلو
الدولاب
ده لو حبيت تغير عجل عربيتك وانت فى لبنان
البندورةهي
الطماطم او القوطه فى مص
الحبحب
هو البطيخ فى اليمن
:)
وبسبب اختلاف اللهجات العلماء دايما بيسجلوا اكتشافاتهم باللغه الالاتينيه
عشان محدش بيستخدمها
فمفيش مجال انها تتحرف
تحياتى
ههههههههههههههه
تصدق اول مره اعرف عكروت دى
كنت سمعتها قبل كده حد بيقولها
بس مسالتش يعنى ايه
المهم البوست جمييييل اوى
الله يعطيك العافيه
:D
كل سنه وانت طيب رمضان كريم
السلام عليكم
مش بقلك تجننى يا عكروته
ههههههههه
يارب يديكى العافيه
ويخليكى
ويارب كمان تكونى لحقتى المرقوق
بجد شئ جميل اوى
مواضيعك تجنن
تحياتى
شكرا يا اخي الكريم و بالمناسبة الدولاب عندنا في سوريا العجلة بتاعت العربية و الدولاب عندكم في غرفة النوم تحياتي
Post a Comment