دليل المغتربين لفهم عادات وتقاليد ولهجات االسكان المحليين

الجزء الاول:
الجزء الثاني:
الجزء الثالث:

الجزء الرابع قريييبا

أخيرا نجحنا

لقد طلبت مني شيماء صاحبة مدونه واحده من الناس والبساط السحري أن أشترك معها في في مدونتها البساط السحري, بحيث نكتب عن عادات وتقاليد الشعوب وايضا لهجاتهم وكل ما نراه غريب فيهم ,بطبيعة الحال وافقت علي طلبها ومن ثم وجهت لشيماء العديد من الاسئله التي تصب كلها في كيفيه المشاركه معها في هذه المدونه أصلي العبد لله اللي هو انا خبرته قليله جدا في التدوين,لكن بفضل الله ثم مساعدة شيماء لي وبعد محاولات جباره أستطعت ان أقتحم حصون هذه المدونه وأستلم مفاتيحها من شيماء, وأخيرا نجحت ودخلت المدونه .والسؤال هنا ماذا بعد فتح المدونه ؟الجواب انا سوف أكتب بوستات عن لهجات الكثير من الدول العربيه وما سوف أكتبه من بوستات منقول عن كتاب للاستاذ الصحفي الكبير محمود عوض ,اتمني البوستات تنال أعجابكم

ملحوظه سبق وطلبت من شيماء أني ممكن أكتب فيها بوستات متنوعه بحيث لا تقتصر علي العادات والتقاليد واللهجات أعتقد أنها كانت موافقه بشرط لا تحيد عن هدف المدونه ,صح يا شيماء ولا لا

ملحوظه 2 الصوره اللي في البوست مأخوذه من حدوته

جمال المرأه

العرب الأنف الدقيق والعيون الواسعه الكحيله العنق الطويل البشره البيضاء والحسم الممتلئ

القبائل الأفريقيه:سمار بشرتها وكلما زاد كلما غلا مهرها لأنه لا يدل فقط على جمالها ولكنه دليل على أصاله عرقها ولا يفضلون الشعر الطويل

منغوليا:عنق الزرافه

ويضعون حلقات معدنيه حول عنق الفتاه منذ ولادتها حتى يزداد طولها

الحلقات ده بتكون عامله ذى سلكه القلم المضغوطه وكل سنه بيزودوها والحقيقه ان الرقبه مش بتطول بس عظم الكتف هو الى بينزل فبيدى الإيحاء بالطول

اليابان:القفا
وتلاحظوا ان الفتيات الى بيلبسوا الكيمونو بيغطوا كل جسمهم ويرفعوا شعرهم قوى ويزحاقوا الياقه على ورا عشان أكبر جزء من ال...قفا يبان
وفى الأفلام اليابانيه لما المخرخ يكون عايز الفلم يحدث عليه اقبال والمصور يكون قبيح تلاقوا كل شويه اللقطه ده

أوروبا الطول ويفتنون بالعيون السوداء

الإسكيمو:رائحتها خاصه رائحه الفم والشعر

ويحرصون على وضع بعض الزيوت العطريه على الشعر ومضغ بعض النباتات التى تطيب رائحه الفم وتقوم الخاطبه عندهم بشم المرأه المستهدفه

الفراعنه: العين المكتحله وبحثوا عن أجود أنواع الكحل لأن المرأه كلما ركزت على جمال عينيها أصبحت أكثر سحراً وجاذبيه

شيماء

طرق التحيه

اكوادور :نصف المعانقه أى تمد يدك اليسرى فى انتظار يد الآخر اليمنى

السودان: يضع الرجل يده اليمنى على كتف الآخر مع الترتيب عليه فى انتظار أن يفعل الآخر مثله

روسيا: ثلاث قبلات شمال يمين شمال أو القاء قبله فى الهواء فى انتظار ردها من الآخر

تايلاند :ينحنى قليلاَ مع رفع الأيدى حتى تلامس أطراف الأصابع الأنف وأحيانا تكتفى السيدات بثنى الركبه

اليابان وكوريا:الآنحناء وكلما زادت مكانه الشخص زاد الإنحناء ويعتبر النظر الى وجه الآخر نوعا من عدم الإحترام

شمال أوروبا وأمريكا :النظر فى عين الآخر والشد على يديه وتعداها الأمريكيون الى وضع اليد الأخرى على اليدين المتصافحتين وأطلقوا عليها المصافحه السياسيه

الهند :الإنحناء البسيط مع ضم اليدين أمام الصدر أما المصافحه فيفعلها بعضهم ويحرم منها النساء

بلاد الآسكيمو:ضغط الآنوف مع الشهيق واستنشاق زفير الآخر

دول الخليج:يكون بتلاصق الأنوف لمره أو اثنين وهذا دليل على الوقار أكثر منه الى الشوق

بينما تكون التحيه عن طريق القبلات والأحضان هى الأكثر انتشارا

ً
ملحوظه رفيعه

تشترك 29عضله فى التقبيل ويتم استهلاك 12 كلورى يرتفع ايقاع التنفس من 13الى 60ويتمرن القلب ورغم ذلك فانها تساعد على نقل الكثير من الأمراض

ان كان يبدو للكثير أن شعوب أسيا التى لا تستخدم الجسد سواء بالأحضان أو بالقبلات شعوب جافه بارده لا تملك أى مشاعر لتعبر عنها فدعونى أخبركم أنها لا ترى أن هذه الطريقه هى التى تدل على الحب أو الآحترام فيمكنك أن تعانق وتقبل شخص وأنت تحمل له الكثير من الكره والحسد
اذن فلا تبحث عن الصواب والخطأ فقد علينا أن نحترم الثقافات الأخرى فلكل منا تفكيره ومنطقه الخاص

شيماء

شخصيه شدتنى

أولا هابتدى بشرح أسباب فتحى للمدونه ده وهاتكلم عن الشخصيه الى مقضتش معاها أكتر من ساعتين بس شدتنى أوى وأثرت فىّ جدا
فنان يابانى بس جامد أوى وخبره عاليه جدا كان بيحكلنا شويه عن نفسه وأعماله وعرضلنا بعض الأعمال الى عملها فى قصر الإمبراطور (طبعا مش أى حد هايدخل القصر) المهم الراجل ده متخصص فى الدهب يرسم ويطلى اللوحات والتماثيل بيه
أنا قاعدت ساعتين مش فاهمه ايه لزمه الكلام الى عمال يقوله ده ابتدى كلامه بان الدهب ده منذ العصور الأولى اتنقلهم من الصين وحكى عن العلاقه الى بين الدولتين ومجالات التأثير والتأثر وكلام كتير كده فى التاريخ والثقافه
بعد ما خلص لقيته بصلنا أوى واعترفلنا بحاجه خطيره جدا قالنا

أنا عشت عمرى كله عارف ان الدهب اتنقلنا من الصين لحد ما من شهر كده كنت باقرأ كتاب واكتشفت ان الصينيين جابه الدهب ده من دوله فى الشرق اسمها مصر اتصلت بالسفير المصرى عندنا وقلتله انى عايز أزور البلد ده
ياجماعه أنا جاى مخصوص عشان أقولكواان بلدكم أصل الدهب والدليل على كده التماثيل الى مطليه بالدهب ذى توت عنخ آمون وده كان أقدم استخدام للدهب بالطريقه ده بلدكم أصل الفن الى أنا عشت عمرى كله بادرسه

جاى من اليابان مخصوص عشان يبلغكم يامصريين الرساله ده هو هايستفيد ايه لما احنا نعرف؟ ليه يعترف بخطأه من غير اتهام؟ مين ممكن يروح أى دوله ويشيد بعظمتها وحضارتها ويعترفلها ويعتزرلها عن سوء فهمه الفتره الى فاتت ده؟ ومين المسؤل عن سوء الفهم ده؟
قال كمان

عشان تتعرف على شعب لازم تتعايش معاه وتفهمه تعرف أحاسيسه وهو بيتكلم ويشاور لازم تتعاملوا مع الآخر بصرف النظر عن دينه وعرقه ومعتقداته هو انسان قبل كل شئ ذيك ذيه أنا لما جيت مصر كنت عارف معنى كلمه ان شاء الله بس لما سمعتها منكم حسيت بالمعنى مش بس فهمته وبقيت أقولها ذيكم

يامصريين بلدكم أصل الدهب وأصل حاجات تانيه كتير أفضل من الدهب بس احنا منعرفهاش مش الأفضل اننا نعرفها عشان نفهمهم ونشرحلهم من غير ما نسيبهم يعرفوا بالصدفه اذا عرفوا أصلن؟

ملحوظه رفيعه
فى اليابان جمله مشهوره جدا اسمهاArabu no IBM
I Insha2alla
B Bokra
M Ma3lesh

لما المصرى يقولك ان شاء الله يبقى معناه انه مش هايعمل حاجه بيزحلقك يعنى
ولما يقول بكره هاترحله بكره هايقولك ما أنا قلت بكره وهاتفضل كده وبكره عمره ما هاييجى
أما معلش فده أصلها لا عليك شىء المفروض يقلها الشخص المتضرر مش المضر تلاقى فى مصر الراجل يدوس على رجلك فى المترو بدل ما يعتزرلك يقولك لا عليك شىء عليك ايه أساسا اذا كان هوه الى غلطان فيك
قبل ما نشتم الراجل الى وصلهم المعلومات ده ياريت نشوف هى فينا ولا لاء؟

ومن هنا سوف ينطلق بساطى

شيماء